ടാറ്റയുടെ മിച്ചഭൂമി പിടിച്ചെടുത്ത്​ കൈമാറണമെന്ന്​ പെട്ടിമുടി ഇരകൾ; ​ൈ​ഹകോടതി സർക്കാറി​െൻറ വിശദീകരണം തേടി

ടാറ്റയുടെ മിച്ചഭൂമി പിടിച്ചെടുത്ത്​ കൈമാറണമെന്ന്​ പെട്ടിമുടി ഇരകൾ; ​ൈ​ഹകോടതി സർക്കാറി​ൻെറ വിശദീകരണം തേടി കൊച്ചി: കണ്ണൻ ദേവൻ ഹിൽസിൽ ടാറ്റ കമ്പനിയുടെ പക്കലുള്ള മിച്ചഭൂമി പിടിച്ചെടുത്ത്​ പെട്ടിമുടിയിലെ ഉരുൾപൊട്ടൽ ദുരന്ത ഇരകൾക്കും ഭൂരഹിതരായ തോട്ടം തൊഴിലാളികൾക്കും കൈമാറണമെന്നാവശ്യപ്പെടുന്ന ഹരജിയിൽ ഹൈകോടതി സർക്കാറി​ൻെറ വിശദീകരണം തേടി. ദുരന്തമുണ്ടായ മൂന്നാർ പെട്ടിമുടി ​നെയമക്കാട്​ എസ്​റ്റേറ്റിലെ താമസക്കാരായ ഷൺമുഖനാഥൻ, മഹേന്ദ്രൻ തുടങ്ങി ഒമ്പത്​ പേർ നൽകിയ ഹരജിയിലാണ്​ ജസ്​റ്റിസ്​ അനിൽ കെ. നരേന്ദ്ര​ൻെറ നി​ർദേശം​. ദുരന്തത്തിനിരയായ കുടുംബങ്ങളുടെ പുനരധിവാസത്തിന്​ എട്ട്​ കുടുംബങ്ങൾക്ക്​ നൽകിയ സ്​ഥലം വാസയോഗ്യമല്ലാത്തതിനാൽ അനുയോജ്യമായത്​ കണ്ടെത്തി ഭൂരഹിതർക്ക്​ കൈമാറാൻ നിർദേശിക്കണമെന്നും ഹരജിയിൽ ആവശ്യപ്പെട്ടിട്ടുണ്ട്​. പത്തു​ ദിവസത്തിനകം വിശദീകരണം നൽകാനാണ്​ നിർദേശം. ജസ്​റ്റിസ്​ കൃഷ്​ണൻ നായർ സമിതി റിപ്പോർട്ട്​ പ്രകാരം കണ്ണൻ ദേവൻ ഹിൽസിൽ ടാറ്റയുടെ കൈവശമുള്ള മിച്ചഭൂമിയിൽ തോട്ടം തൊഴിലാളികളടക്കം​ ഭവനരഹിതർക്ക്​ വീട്​ നിർമിച്ച്​ നൽകാൻ 2018ൽ സർക്കാർ ഉത്തരവിട്ടിരുന്നതായി ഹരജിയിൽ പറയുന്നു. ഉത്തരവ്​ വന്ന്​ രണ്ടര വർഷം കഴിഞ്ഞിട്ടും ഒരു സൻെറ്​ പോലും കൈമാറ​ുകയോ പദ്ധതി നടപ്പാവുകയോ ചെയ്​തിട്ടില്ല. ഇൗ ഉത്തരവ്​ നടപ്പാക്കിയിരുന്നെങ്കിൽ പെട്ടിമുടിയിൽ 70ഓളം പേരുടെ ജീവൻ നഷ്​ടപ്പെടില്ലായിരുന്നു. പെട്ടിമുടി ദുരന്ത ഇരകൾക്ക്​ 32 കിലോമീറ്റർ അകലെ കുട്ടിയാറിൽ​ ദുർഘടമായ മല​മ്പ്രദേശത്ത്​ അനുവദിച്ച സ്​ഥലത്തും ഉരുൾ​െപാട്ടൽ സാധ്യതയുണ്ട്​. തോട്ടം തൊഴിലാളികളുടെ ചേരിപ്രദേശമുണ്ടാക്കി കേരളത്തിലെ 'ധാരാവി'യാക്കി അത്​ മാറ്റാനാണ്​ പ്ലാ​േൻറഷൻ കമ്പനികൾ സർക്കാറുമായി ചേർന്ന്​ ശ്രമിക്കുന്നത്​. 19,000ഓളം ഏക്കർ മിച്ചഭൂമി ​ൈകവശം വെച്ചാണ്​​ തോട്ടം തൊഴിലാളികൾക്ക്​ വീട്​ വെക്കാൻ കണ്ണൻദേവൻ കമ്പനി ഒരു തുണ്ടുപോലും വിട്ടു​െകാടുക്കാത്തത്​. 220 ഏക്കർ മിച്ചഭൂമി 350ഓളം കുടുംബങ്ങൾക്കായി ​െക.ഡി.എച്ച്​ ആക്​ട്​ പ്രകാരം ഭൂമി വിതരണം ചെയ്യണമെന്ന്​ ആവശ്യപ്പെട്ട്​ സർക്കാറിന്​ നിവേദനം നൽകിയെങ്കിലും ഇതുവരെ മറുപടി തന്നിട്ടില്ല. 15 ഏക്കറിലധികം ഭൂമി കൈവശം വെക്കാൻ നിയമപരമായി കഴിയില്ലെന്നിരിക്കെ കേരള ഭൂപരിഷ്​കരണ നിയമത്തിൽ ഇളവ്​ നേടി 58,769 ഏക്കറാണ്​ കണ്ണൻ ദേവൻ കമ്പനി അനധികൃതമായി കൈവശം വെച്ചിരിക്കുന്നത്​. പൊതുതാൽപര്യം സംരക്ഷിക്കാത്ത സാഹചര്യത്തിൽ ഈ ഇളവ്​ യുക്​തിഹീനവും വിവേചനപരവുമാണ്​. കണ്ണൻദേവൻ ഹിൽസിലെ 92 ഗ്രാമങ്ങളും ഹരജിക്കാരുടെ പൂർവികരാണ്​ വികസിപ്പിച്ചത്​. മറ്റൊരു ദുരന്തത്തിന്​ കാത്തുനിൽക്കാതെ മിച്ചഭൂമി പിടിച്ചെടുത്ത്​ വിതരണം ചെയ്യണമെന്നാണ്​ ആവശ്യം. 1971ലെ കണ്ണൻദേവൻ ഹിൽസ്​ (റിസംപ്​ഷൻ ഓഫ്​ ലാൻഡ്​സ്​) ആക്​ട്​ ഭരണഘടന വിരുദ്ധമായി പ്രഖ്യാപിക്കുക, കൂടുതൽ ഭൂമി കൈവശം വെക്കാൻ അനുവദിച്ചിരിക്കുന്ന ഇളവ്​ റദ്ദാക്കുക തുടങ്ങിയ ആവശ്യങ്ങളും ഹരജിയിൽ ഉന്നയിച്ചിട്ടുണ്ട്​​.