പട്ടികജാതി-വർഗക്കാർക്ക് കൃഷിഭൂമി നൽകി പുനരധിവസിപ്പിക്കണം

എടവനക്കാട്: കോളനികളിൽനിന്ന്​ ചേരികളിലേക്ക് പട്ടികജാതി വർഗക്കാരെ ഒതുക്കുന്ന സമീപനം സർക്കാർ മാറ്റണമെന്നും പട്ടികജാതി-വർഗക്കാർക്ക് അഞ്ച് ഏക്കറിൽ കുറയാത്ത കൃഷിഭൂമി നൽകി പുനരധിവസിപ്പിക്കണമെന്നും പട്ടികജാതി-വർഗ ഏകോപന സമിതി സംസ്ഥാന ജനറൽ സെക്രട്ടറി എൻ.ആർ. സന്തോഷ് പറഞ്ഞു. പട്ടികജാതി-വർഗ ഏകോപന സമിതി പള്ളത്താംകുളങ്ങര ശാഖയോഗം ഉദ്ഘാടനം ചെയ്യുകയായിരുന്നു അദ്ദേഹം. എൻ.ജി. ഗീത അധ്യക്ഷത വഹിച്ചു. രജനി മേത്തല, ജെ.എ. അശോകൻ, എം.കെ. അച്യുതൻ, ഷീബ പ്രസാദ്, ഓമന തിലകൻ എന്നിവർ സംസാരിച്ചു. ചിത്രം EA EDA shaga yogam പട്ടികജാതി-വർഗ ഏകോപന സമിതി പള്ളത്താംകുളങ്ങര ശാഖയോഗം സംസ്ഥാന ജനറൽ സെക്രട്ടറി എൻ.ആർ. സന്തോഷ് ഉദ്ഘാടനം ചെയ്യുന്നു