കവർച്ച കേസ്​ പ്രതി പിടിയിൽ

കൊച്ചി: കഴിഞ്ഞ നവംബറിൽ കലൂർ മെട്രോ സ്​റ്റേഷന് സമീപം കണ്ണൂർ സ്വദേശിയുടെ പണവും മൊബൈൽ ഫോണും പിടിച്ചു പറിച്ച കേസിലെ രണ്ടാംപ്രതി കടവന്ത്ര ഉദയ കോളനി സ്വദേശി സനലിനെ (23) എറണാകുളം നോർത്ത് പൊലീസ് പിടികൂടി. ഇയാൾക്കെതിരെ നോർത്ത്, സെൻട്രൽ പൊലീസ് സ്​റ്റേഷനുകളിൽ നിരവധി കവർച്ച കേസുകൾ നിലവിലുണ്ട്. ഒരു കേസിൽ അടുത്തിടെയാണ് ജാമ്യത്തിൽ ഇറങ്ങിയത്. കേസിലെ ഒന്നാം പ്രതി ഉദയ കോളനി സ്വദേശി മഹീന്ദ്രനെ കഴിഞ്ഞ മാസം അറസ്​റ്റ് ചെയ്തിരുന്നു. ഇയാൾ റിമാൻഡിലാണ്. കവർച്ച ചെയ്ത മൊബൈൽ ഫോൺ സനലിൻെറ ഉദയ കോളനിയിലെ വീട്ടിൽനിന്ന്​ പൊലീസ് കണ്ടെടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. നോർത്ത് സി.ഐ. സിബി ടോം, എസ്.ഐ വി.ബി. അനസ്, എ.എസ്.ഐ വിനോദ് കൃഷ്ണ, സി.പി.ഓമാരായ എ.അജിലേഷ്, ടി.ജി. പ്രവീൺ, പി. വിനീത്, എ.എൻ. സുനിൽ, എ.പി. പ്രവീൺ എന്നിവർ ചേർന്നാണ് അറസ്​റ്റ് ചെയ്തത്. കേസിലെ രണ്ടു പ്രതികൾ ഒളിവിലാണ്. ഇവർ സഞ്ചരിച്ച കാർ പൊലീസ് കസ്​റ്റഡിയിൽ എടുത്തിട്ടുണ്ട്. കഴിഞ്ഞ മാസം പ്രതികൾ പച്ചാളത്തും എളമക്കരയിലുമുള്ള രണ്ടു വീടുകളിൽ നിന്നും വിദേശയിനത്തിൽ പെട്ട വളർത്തു നായ്ക്കളെ മോഷ്​ടിച്ചിരുന്നു. ആ കേസിൽ രണ്ടു ദിവസത്തിനകം തന്നെ നോർത്ത് പൊലീസ് പ്രതികളെ തിരിച്ചറിയുകയും അവർ വിൽപന നടത്തിയ വളർത്തു നായ്ക്കളെ കണ്ടെത്തുകയും ചെയ്തെങ്കിലും ഉടമസ്ഥർക്ക് പരാതി ഇല്ലാതിരുന്നതിനാൽ പൊലീസ് കേസ് എടുത്തില്ല.