പെരുമ്പടപ്പിൽ മാലിന്യനീക്കം നിലച്ചു; ജനംദുരിതത്തിൽ

പള്ളുരുത്തി: പെരുമ്പടപ്പ് മേഖലയിൽ മാലിന്യനീക്കം നിലച്ചതോടെ മത്സ്യമാർക്കറ്റിലും ബസ് സ്​റ്റാൻഡിനുസമീപം മാലിന്യ കൂമ്പാരം രൂപപെട്ടു. ക്രിസ്മസിന് ശേഷം മേഖലയിൽ മാലിന്യനീക്കം നടന്നിട്ടില്ലെന്നാണ് നാട്ടുകാർ ചൂണ്ടിക്കാട്ടുന്നത്. അധികൃതരോട് പരാതിപ്പെട്ടിട്ടും മാലിന്യ നീക്കത്തിന് നടപടിയുണ്ടാകുന്നില്ലെന്ന് നാട്ടുകാർ ആരോപിക്കുന്നു. പെരുമ്പടപ്പ് ബസ് സ്​റ്റാൻഡിലും ദിനേന നൂറുകണക്കിന് യാത്രക്കാർ വന്നുപോകുകയാണ്. മാലിന്യം മൂലം മൂക്കുപൊത്തി ബസിൽ കയറേണ്ട അവസ്ഥയാണെന്ന് യാത്രക്കാരും ചൂണ്ടിക്കാട്ടുന്നു. അടിയന്തരമായി മാലിന്യ നീക്കത്തിന് നടപടി ഉണ്ടാകണമെന്നാണ് ആവശ്യം.