ഷിഗെല്ല: ജില്ല മെഡിക്കല്‍ ഓഫിസറുടെ നേതൃത്വത്തില്‍ യോഗം ചേര്‍ന്നു

തൃപ്പൂണിത്തുറ: ചോറ്റാനിക്കരയില്‍ ഷിഗെല്ല രോഗബാധ റിപ്പോര്‍ട്ട് ചെയ്ത സാഹചര്യത്തില്‍ രോഗബാധയുടെ ഉറവിടം കണ്ടെത്താനുള്ള ശ്രമങ്ങള്‍ പുരോഗമിക്കുന്നു. ജില്ല മെഡിക്കല്‍ ഓഫിസറുടെ നേതൃത്വത്തില്‍ സ്ഥിതിഗതികള്‍ വിലയിരുത്തി. ആരോഗ്യവകുപ്പി​ൻെറ നേതൃത്വത്തില്‍ സമീപത്തെ ഹോട്ടലുകളിലും വാര്‍ഡുകളിലും നേരിട്ടെത്തി സാമ്പിള്‍ ശേഖരിക്കുന്നുണ്ട്. എന്നാല്‍, രോഗം സ്ഥിരീകരിച്ചയാളുകളുടെ സമ്പര്‍ക്കം വഴി പുതുതായി രോഗം റിപ്പോര്‍ട്ട് ചെയ്തിട്ടില്ല. പ്രദേശത്തെ കിണറുകള്‍, ശുദ്ധജല വിതരണ പദ്ധതികള്‍ എന്നിവയില്‍നിന്ന്​ ശേഖരിച്ച വെള്ളത്തി​ൻെറ സാമ്പിള്‍ പരിശോധനക്ക് അയച്ചു. പ്രതിരോധ പ്രവര്‍ത്തനങ്ങളുടെ ഭാഗമായി ഓരോ വാര്‍ഡിലും ആരോഗ്യ ജാഗ്രതാസമിതി രൂപവത്കരിച്ചു.