മുന്നാക്ക സംവരണത്തിൽ വെബിനാർ സംഘടിപ്പിച്ചു

കൊച്ചി: എറണാകുളം സൻെറ് ആൽബർട്സ് കോളജും വിവിധ ലത്തീൻ സമുദായ സംഘടനകളും സംയുക്തമായി സംഘടിപ്പിച്ച മുന്നാക്ക സാമ്പത്തിക സംവരണ വെബിനാർ കെ.ആർ.എൽ.സി.ബി.സി അൽമായ കമീഷൻ ചെയർമാനും കണ്ണൂർ രൂപതാധ്യക്ഷനുമായ ബിഷപ് ഡോ. അലക്സ് വടക്കുംതല ഉദ്ഘാടനം ചെയ്തു. വിഷയത്തിൽ കൂടുതൽ പഠനങ്ങൾ നടത്തി ജാഗ്രതയോടെ മുന്നോട്ടുപോകണമെന്ന് അദ്ദേഹം പറഞ്ഞു. കെ.ആർ.എൽ.സി.സി വൈസ് പ്രസിഡൻറ് ഷാജി ജോർജ് മുഖ്യപ്രഭാഷണവും നിയുക്ത ജനറൽ സെക്രട്ടറി ഫാ. തോമസ് തറയിൽ ആമുഖപ്രഭാഷണവും നടത്തി. കെ.എൽ.സി.എ സംസ്ഥാന ജനറൽ ഷെറി ജെ. തോമസ്, സി.എസ്.എസ് വൈസ് ചെയർമാൻ ബെന്നി പാപ്പച്ചൻ, ദേവദാസ്, ജോയി ഗോതുരുത്ത്, അജിത്ത് തങ്കച്ചൻ, ജെയിൻ ആൻസിൽ, ജോസഫ് ജൂഡ് എന്നിവർ സംസാരിച്ചു. സൻെറ്​ ആൽബർട്സ് കോളജ് ഡീൻ പ്രഫ. ഷൈൻ ആൻറണി മോഡറേറ്ററായി.