പെരിയാർവാലി കനാൽ അറ്റകുറ്റപ്പണി സമയബന്ധിതമായി നടത്തണം -കർഷകസംഘം

പട്ടിമറ്റം: പെരിയാർവാലി കനാൽ അറ്റകുറ്റപ്പണി സമയബന്ധിതമായി നടത്തി അവസാന ഭാഗംവരെ വെള്ളം എത്തിക്കാൻ നടപടി സ്വീകരിക്കണമെന്ന് കേരള കർഷകസംഘം കോലഞ്ചേരി ഏരിയ സമ്മേളനം ആവശ്യപ്പെട്ടു. കർഷക ദിനത്തിൽ കർഷകരെ അപമാനിച്ച കിഴക്കമ്പലം, കുന്നത്തുനാട്, ഐക്കരനാട് , മഴുവന്നൂർ പഞ്ചായത്ത് ഭരണസമിതികളുടെ നടപടിയിൽ സമ്മേളനം പ്രതിഷേധിച്ചു. സി.പി.എം സംസ്ഥാന കമ്മിറ്റി അംഗം എസ്. സതീഷ് ഉദ്ഘാടനം ചെയ്തു. ഏരിയ പ്രസിഡന്‍റ് സി.പി. ഗോപാലകൃഷ്ണൻ അധ്യക്ഷത വഹിച്ചു. കെ.വി. ആന്‍റണി രക്തസാക്ഷി പ്രമേയവും കെ. സനൽകുമാർ അനുശോചന പ്രമേയവും എൻ.എം. അബ്ദുൽ കരീം പ്രവർത്തന റിപ്പോർട്ടും അവതരിപ്പിച്ചു. ഭാരവാഹികൾ: ഗോപാലകൃഷ്​ണൻ (പ്രസി), എൻ.എം. അബ്ദുൽ കരീം (സെക്ര), പി.പി. ബേബി (ട്രഷ).