തോട്ടറ സംസ്കൃത യു.പി സ്കൂൾ നവതിയാഘോഷത്തിന്​ തുടക്കം

കാഞ്ഞിരമറ്റം: ജില്ലയിലെ മികച്ച സംസ്കൃത പാഠശാലയായ തോട്ടറ സംസ്കൃത യു.പി സ്കൂൾ നവതി ആഘോഷങ്ങൾക്ക് തുടക്കം. തോമസ് ചാഴികാടൻ എം.പി ഉദ്​ഘാടനം നിർവഹിച്ചു. സ്വാഗതസംഘം ചെയർമാൻ സി.ആർ. ദിലീപ് കുമാർ അധ്യക്ഷത വഹിച്ചു. അനൂപ് ജേക്കബ് എം.എൽ.എ സമ്മേളനം ഉദ്ഘാടനം ചെയ്തു. സദ്ഗുരു ശാരദാനന്ദ സ്വാമികൾ പ്രഭാഷണവും നവതി സ്മാരകമായി സി.എസ്.ആർ ഫണ്ട് ഉപയോഗിച്ച് നിർമിച്ച അസംബ്ലി ഹാൾ ഉദ്​ഘാടനം കൊച്ചിൻ ഷിപ്​യാർഡ് ചീഫ് ജനറൽ മാനേജർ എസ്. ഹരികൃഷ്ണനും നിർവഹിച്ചു. ഗ്രാമപഞ്ചായത്ത് പ്രസിഡന്‍റ്​ ബിജു തോമസ്, ജില്ല പഞ്ചായത്തംഗം പി.വി.എൻ. നമ്പൂതിരിപ്പാട്, ഹെഡ്മിസ്ട്രസ് കെ.കെ. ബിജി, സ്കൂൾ മാനേജർ പി. വിജയകുമാർ തുടങ്ങിയവരും ജനപ്രതിനിധികളായ ജയശ്രീ പത്മാകരൻ, ബിനു പുത്തേത്ത് മ്യാലിൽ, എം.എം. ബഷീർ, രാജൻ പാണാറ്റിൽ, കീച്ചേരി സഹകരണ ബാങ്ക് പ്രസിഡന്‍റ്​ ആർ. ഹരി, സി.എസ്.ആർ മാനേജർ യൂസഫ്, പി.ടി.എ പ്രസിഡന്‍റ്​ ശ്രീവത്സൻ ജി. ഗോപാൽ, ദിവാകരൻ മാസ്റ്റർ, യു.എസ്. പരമേശ്വരൻ എന്നിവർ സംസാരിച്ചു. ജനറൽ കൺവീനർ എം.എസ്. ഹമീദ് കുട്ടി സ്വാഗതവും കോഓഡിനേറ്റർ പി.കെ. ബാബു നന്ദിയും പറഞ്ഞു. EC-TPRA-4 Thottara തോട്ടറ സംസ്കൃത യു.പി സ്കൂൾ നവതി ആഘോഷം തോമസ് ചാഴികാടൻ എം.പി ഉദ്​ഘാടനം ചെയ്യുന്നു