പാടശേഖരത്തിൽ യന്ത്രവത്​കൃത വള്ളങ്ങൾ അനുവദിക്കരുതെന്ന്​

കൊച്ചി: മറുവക്കാട് പാടശേഖരത്തിനുള്ളിൽ യന്ത്രവത്​കൃത വള്ളങ്ങൾ ഉപയോഗിക്കുന്നത് അവസാനിപ്പിക്കണമെന്ന്​ നെൽകർഷകർ ആവശ്യപ്പെട്ടു. പാടശേഖരത്തിനുള്ളിൽ യന്ത്രവത്​കൃത വള്ളങ്ങളുടെ സഞ്ചാരം കൃഷിനിലങ്ങളുടെ അതിർവരമ്പുകളുടെ നാശത്തിനിടയാകും. പതിറ്റാണ്ടുകളുടെ ചരിത്രമുള്ള പാടശേഖരത്തിൽ നാളിതുവരെ സഞ്ചാരത്തിനായി യന്ത്രവത്​കൃത വള്ളങ്ങൾ ഉപയോഗിച്ചിട്ടില്ല. ഇത് അവസാനിപ്പിക്കാൻ നടപടി സ്വീകരിച്ചില്ലെങ്കിൽ പ്രക്ഷോഭവുമായി മുന്നോട്ടുപോകുമെന്ന് റെസി. അസോസിയേഷൻ നേതാക്കളായ പ്രസിഡൻറ് ആൻറണി മുണ്ടുപറമ്പിൽ, സെക്രട്ടറി രതീഷ്, നെൽ കർഷകരായ മഞ്ചാടിപറമ്പിൽ ചന്തു, വർഗീസ് കുട്ടി മുണ്ടുപറമ്പിൽ, സേവ്യാർ തറയിൽ, ഫിലോമിന ബേബി ജോസഫ്, ഫ്രാൻസിസ് കളത്തിങ്കൽ എന്നിവർ പറഞ്ഞു. ലോഗോ പ്രകാശനം ചെയ്തു കൊച്ചി: 'സംരംഭം, വിദ്യാഭ്യാസം, തൊഴിൽ' ലക്ഷ്യത്തോടെ ക്ലബ് ഫോർ ലീഡർഷിപ് സന്ദേശവുമായി രൂപവത്​കരിച്ച മോട്ടിവ ക്ലബി‍ൻെറ ലോഗോ പ്രസ്​ക്ലബ് ഹാളിൽ നടന്ന ചടങ്ങിൽ പ്രകാശനം ചെയ്തു. 18നും 45നും ഇടയിലുള്ള യുവതി യുവാക്കൾക്ക് ക്ലബിൽ അംഗമാകാമെന്നും ഭാരവാഹികൾ പറഞ്ഞു. വാർത്തസമ്മേളനത്തിൽ സിബിൻ വർഗീസ്, ജിബിൻ ജോസഫ്, ശങ്കർ, നിർമല അലക്‌സാണ്ടർ, സിമി രാജൻ എന്നിവർ പങ്കെടുത്തു.