ഗോപികമാർ നൃത്തംവെച്ചു, ഉണ്ണിക്കണ്ണന്മാർ നിറഞ്ഞാടി; നാടെങ്ങും ആഘോഷമായി ശ്രീകൃഷ്ണ ജയന്തി

കോതമംഗലം: ഉണ്ണിക്കണ്ണന്മാർ വീഥികളിൽ നിറഞ്ഞാടി, നാട് ആഘോഷമാക്കി ശ്രീകൃഷ്ണജയന്തി. തൃക്കാരിയൂർ, ചെറുവട്ടൂർ പൂവത്തൂർ, ഇടനാട്, ഇളമ്പ്ര, അയ്യങ്കാവ്, നേര്യമംഗലം, വാരപ്പെട്ടി, അടിവാട് തുടങ്ങിയിടങ്ങളിൽ ബാലഗോകുലങ്ങളുടെ നേതൃത്വത്തിൽ വിപുലമായ പരിപാടികളാണ് അരങ്ങേറിയത്. വിവിധ പ്രദേശങ്ങളിൽനിന്ന്​ ആരംഭിച്ച പ്രാദേശിക ശോഭായാത്രകൾ തൃക്കാരിയൂർ ക്ഷേത്ര മൈതാനിയിൽ സംഗമിച്ച് മഹാശോഭായാത്രയായി മാറി. തൃക്കാരിയൂർ ക്ഷേത്രസന്നിധിയിൽ സമാപിച്ചു. തൃക്കാരിയൂർ മഹാശോഭായാത്ര ഡോ. ജയശ്രീ അനിൽകുമാർ ഉദ്ഘാടനം ചെയ്തു. എ.കെ. സനൽ മുഖ്യപ്രഭാഷണം നടത്തി. EM KMGM 6 shoba തൃക്കാരിയൂരിൽ ശോഭായാത്രയോടനുബന്ധിച്ച് അരങ്ങേറിയ ഗോപിക നൃത്തം