ജില്ല മഹല്ല്​ കൂട്ടായ്മയുടെ സ്വാതന്ത്ര്യ സംരക്ഷണ റാലി

കൊച്ചി: ജില്ല മഹല്ല്​ കൂട്ടായ്മയുടെ നേതൃത്വത്തിൽ 15ന്​ സ്വാതന്ത്ര്യ സംരക്ഷണ റാലിയും സമ്മേളനവും പെരുമ്പാവൂരിൽ നടത്തുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. വൈകീട്ട്​ മൂന്നിന്​ പെരുമ്പാവൂർ ബോയ്​സ്​ ഹൈസ്കൂൾ പരിസരത്തുനിന്ന്​ റാലി ആരംഭിക്കും. മുനിസിപ്പൽ സ്​റ്റേഡിയത്തിൽ നടക്കുന്ന സ്വാതന്ത്ര്യ സംരക്ഷണ സമ്മേളനം തമിഴ്​നാട്​ എം.എൽ.എ ​പ്രഫ. ജവാഹിറുള്ള ഉദ്​ഘാടനം ചെയ്യും. വാർത്തസമ്മേളനത്തിൽ ചെയർമാൻ മുഹമ്മദ്​ വെട്ടത്ത്​, മറ്റ്​ ഭാരവാഹികളായ ടി.എ. മുജീബ്​ റഹ്​മാൻ, സി.കെ. അമീർ, ഷെറീഫ്​ പുത്തൻപുര എന്നിവർ പ​ങ്കെടുത്തു.