ഷട്ടറുകൾ തുറന്നതിന്‍റെ മറവിൽ മാലിന്യം ഒഴുക്കുന്നു

കളമശ്ശേരി: പെരിയാറിലെ ജലനിരപ്പുയരുന്നതിനാൽ ഷട്ടറുകൾ തുറന്നതിന്‍റെ മറവിൽ വ്യാപകമായി മാലിന്യം ഒഴുക്കുന്നു. പാതാളം റെഗുലേറ്റർ ബ്രിഡ്ജിലെ ഷട്ടറുകൾ തുറന്നതിന്‍റെ മറവിലാണ് എടയാർ വ്യവസായ മേഖലയുടെ ഭാഗത്ത്​ മാലിന്യം ഒഴുക്കുന്നത്. കലങ്ങിവരുന്ന വെള്ളം പ്രത്യേക നിറത്തിലാണ് ഒഴുകിപ്പോകുന്നത്. ബ്രിഡ്ജിലെ ലോക് ഷട്ടറിനകത്തുകൂടെയാണ് ഒഴുക്ക്. മലിനീകരണ നിയന്ത്രണ ബോർഡ്​ അധികൃതർ ആരും തിരിഞ്ഞുനോക്കുന്നില്ല.