ബാങ്കുകൾ ഇളവുകൾ അനുവദിക്കണം -പി.സി. തോമസ്

കൊച്ചി: ചെറിയ വരുമാനക്കാർക്ക് കടം തിരിച്ചടക്കാൻ സമയം അനുവദിച്ചും ഇൻസ്റ്റാൾമെന്‍റ്​ സംവിധാനം ഒരുക്കിയും പലിശയും പിഴപ്പലിശയും ഒഴിവാക്കിയും കഴിയുന്നത്ര സഹായം ചെയ്യാൻ എല്ലാ ബാങ്കുകളും തയാറാകണമെന്ന് കേരള കോൺഗ്രസ് വർക്കിങ്​ ചെയർമാൻ പി.സി. തോമസ്. വലിയ പ്രതിസന്ധിയിലാണ് ചെറിയ വരുമാനക്കാരായ മുഴുവനാളുകളും. ഇതു സംബന്ധിച്ച് പ്രധാനമന്ത്രിക്കും കേന്ദ്ര ധനമന്ത്രിക്കും കേരള മുഖ്യമന്ത്രിക്കും കേരള കോൺഗ്രസ്​ നേതൃത്വം ഇ-മെയിൽ അയച്ചതായും അദ്ദേഹം പറഞ്ഞു.