അന്തർസംസ്ഥാന തൊഴിലാളി മരിച്ച നിലയിൽ

വാകത്താനം: ബിഹാർ സ്വദേശിയായ തൊഴിലാളി രാഹുലിനെ (18) വാകത്താനം ജെറുസേലം മൗണ്ട് ഭാഗത്തെ പുല്ലക്കാട്ടുപടി പഴയ ബഥനി ബൈബിൾ കോളജായി പ്രവർത്തിച്ച കെട്ടിടത്തിൽ തൂങ്ങി മരിച്ച നിലയിൽ കണ്ടെത്തി. കെട്ടിടത്തിന്‍റെ താഴത്തെ നിലയിൽ വാടകക്ക്​ താമസിച്ചിരുന്ന മുറിയിലെ സീലിങ്​ ഫാനിലാണ് മൃതദേഹം കണ്ടത്​. വാകത്താനം പൊലീസ് നേതൃത്വത്തിൽ മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. ------------- ക്ഷേത്ര ജീവനക്കാരന്‍റെ മൃതദേഹം കണ്ടെത്തി കോട്ടയം: അമ്പലക്കടവ് ക്ഷേത്രത്തിലെ കാണാതായ ജീവനക്കാരൻ കാരാപ്പുഴ കർത്താംപറമ്പിൽ രാധാകൃഷ്ണന്‍റെ (45) മൃതദേഹം മീനച്ചിലാറിൽ താഴത്തങ്ങാടി അറുപുറ ഭാഗത്തുനിന്ന്​ ചൊവ്വാഴ്ച 12ഓടെ കണ്ടെത്തി. പരേതരായ ഹരിഹരൻ ആചാരി- പൊന്നമ്മാൾ ദമ്പതികളുടെ മകനാണ്​. അറുപുറയിൽ ചൂണ്ടയിടാൻ എത്തിയ വിദ്യാർഥികളാണ് ആറ്റിലൂടെ മൃതദേഹം ഒഴുകുന്നത് കണ്ടത്. നാട്ടുകാർ നൽകിയ വിവരം അനുസരിച്ച്​ കോട്ടയം അഗ്നിരക്ഷ സേനാംഗങ്ങൾ ചേർന്ന്​ മൃതദേഹം കരക്കെത്തിച്ചു. നടപടികൾ പൂർത്തിയാക്കി മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിലേക്ക്​ മാറ്റി. സംസ്കാരം ബുധനാഴ്ച 10ന് മുട്ടമ്പലം വൈദ്യുതി ശ്മശാനത്തിൽ. അമ്പലക്കടവ് ക്ഷേത്രത്തിൽ സ്വീപ്പറായിരുന്ന രാധാകൃഷ്ണനെ ഇക്കഴിഞ്ഞ അഞ്ചാം തീയതി വൈകീട്ട് മുതലാണ്​ കാണാതായതെന്ന് ക്ഷേത്രം ഭാരവാഹികൾ പറഞ്ഞു. വെസ്റ്റ് പൊലീസിൽ പരാതി നൽകിയിരുന്നു. മകൾ: നവമീകൃഷ്ണ. ---- ഫോട്ടോ: KTD Radhakrishnan ktm രാധാകൃഷ്ണൻ