കാറിടിച്ച് സിഗ്​നൽ ലൈറ്റ് തകർന്നു

മൂവാറ്റുപുഴ: നിയന്ത്രണം വിട്ട കാറിടിച്ച്​ മൂവാറ്റുപുഴ പി.ഒ ജങ്​ഷനിലെ സിഗ്‌നല്‍ ലൈറ്റ് തകർന്നു. ചൊവ്വാഴ്ച രാവിലെ 11ഓടെയായിരുന്നു അപകടം. പെരുമ്പാവൂരിൽനിന്ന് കോട്ടയം ഭാഗത്തേക്ക് വന്ന കാറാണ് അപകടത്തിൽപെട്ടത്. ഡ്രൈവര്‍ ഉറങ്ങിപ്പോയതാണ് കാരണമെന്നാണ് പ്രാഥമിക വിവരം. വാഹനത്തിലുണ്ടായിരുന്ന രണ്ടുപേരെയും നിസ്സാരപരിക്കുകളോടെ മൂവാറ്റുപുഴ സെന്റ് ജോർജ്​ ആശുപത്രിയില്‍ പ്രവേശിപ്പിച്ചു. സിഗ്​നൽ ലൈറ്റ് തകർന്നതോടെ ഗതാഗതക്കുരുക്കും രൂപപ്പെട്ടു.