ബൈക്കപകടത്തിൽ പരിക്കേറ്റ യുവാവ്​ മരിച്ചു

എരുമേലി: സ്വകാര്യ ബസിടിച്ച് ഗുരുതര പരിക്കേറ്റ് കോട്ടയം മെഡിക്കൽ കോളജ്​ ആശുപത്രിയിൽ ചികിത്സയിലിരുന്ന ബൈക്ക്​ യാത്രികനായ ഇരുമ്പൂന്നിക്കര പുതുപ്പറമ്പിൽ പ്രതീഷ്​ (38) മരിച്ചു. കഴിഞ്ഞ ശനിയാഴ്ച ഉച്ചക്ക്​ എരുമേലി-മുണ്ടക്കയം റോഡിൽ പ്രപ്പോസിന് സമീപമായിരുന്നു അപകടം. എരുമേലിയിലേക്ക് വന്ന സ്വകാര്യബസ് ബൈക്കിൽ ഇടിക്കുകയായിരുന്നു. പ്രതീഷിനൊപ്പം സഞ്ചരിച്ച ഇടമല സുമേഷിനും (40) ഗുരുതര പരിക്കേറ്റിരുന്നു. പ്രതീഷിന്‍റെ ഭാര്യ: ഷൈനി. മക്കൾ: ആദിത്യൻ, ആവണി. സംസ്കാരം പിന്നീട്.