മഹാദേവ ക്ഷേത്രത്തിൽ നിറപുത്തിരി

കൂത്താട്ടുകുളം: നിറപുത്തിരി ചടങ്ങുകൾ കൂത്താട്ടുകുളം മഹാദേവ ക്ഷേത്രത്തിൽ മേൽശാന്തി പറവൂർ ഷിൻ ചന്ദ്രകാന്തി‍ൻെറ മുഖ്യകാർമികത്വത്തിൽ നടന്നു. കിഴക്കേ ഗോപുരത്തിൽനിന്ന്​ നിറപുത്തിരിക്കുള്ള നെൽക്കതിരുകൾ മേൽശാന്തിയുടെ നേതൃത്വത്തിൽ പഞ്ചാക്ഷരി മന്ത്രങ്ങളോടെ പ്രദക്ഷിണം ചെയ്ത് മണ്ഡപത്തിലെത്തിച്ചു. തുടർന്ന് കതിര് പൂജ നടന്നു. പൂജിച്ച കതിരുകൾ, പുത്തരിപ്പായസം എന്നിവ ഭക്തർക്ക് നൽകി. ക്ഷേത്രോപദേശക സമിതി അംഗങ്ങൾ നേതൃത്വം നൽകി.