കൊച്ചി-മൂന്നാർ റോഡി‍െൻറ നവീകരണത്തിന് ടെൻഡർ നടപടിയായി

കൊച്ചി-മൂന്നാർ റോഡി‍ൻെറ നവീകരണത്തിന് ടെൻഡർ നടപടിയായി മൂവാറ്റുപുഴ: മൂവാറ്റുപുഴ-കോതമംഗലം വഴി കടന്നുപോകുന്ന കൊച്ചി-മൂന്നാർ എൻ.എച്ച് 85 നവീകരണത്തിനായി 889.77 കോടി രൂപയുടെ പദ്ധതികൾക്ക് ടെൻഡർ നടപടി ആരംഭിച്ചതായി ഡീൻ കുര്യാക്കോസ് എം.പി അറിയിച്ചു. കുണ്ടന്നൂർ മുതൽ മൂന്നാർ വരെ 124.636 കി.മീ. റോഡാണ് നവീകരിക്കുന്നത്. നേര്യമംഗലത്ത് പുതിയ പാലം ഉൾപ്പെടെയാണ് ടെൻഡർ ചെയ്യുന്നത്. കൊച്ചി-ധനുഷ്​കോടി പുതിയ ഗ്രീൻഫീൽഡ് ദേശീയപാത ഭാരത്​മാല പദ്ധതിയിൽ ഉൾക്കൊള്ളിച്ചപ്പോൾ നിലവിലുള്ള റോഡി‍ൻെറ വികസനം ഒഴിവാക്കാൻ പാടില്ലെന്ന് കേന്ദ്ര ഉപരിതല ഗതാഗത മന്ത്രിയോട് അഭ്യർഥിച്ചതി‍ൻെറ അടിസ്ഥാനത്തിലാണ് ഇപ്പോൾ ഈ നിലയിൽ നിർമാണ പ്രവർത്തനങ്ങൾ അനുവദിച്ചതെന്നും ഡീൻ കുര്യാക്കോസ് വ്യക്തമാക്കി.