ചരിത്രമുറങ്ങുന്ന ആ പടികളിലിരുന്ന്​ തുഷാർ ഗാന്ധി

കൊച്ചി: ഗാന്ധിജിയിരുന്ന്​ പ്രസംഗിച്ച മഹാരാജാസ്​ കോളജിലെ ആ പടിയിലിരുന്ന്​ പൗത്രൻ. ഗാന്ധിജിയുടെ പോ​രാട്ടങ്ങളിലേക്കുള്ള തിരിച്ചുപോക്കായി ഗാന്ധിജിയുടെ ആ പ്രസംഗം. മഹാരാജാസ്​ കോളജ്​ ഗാന്ധിജി സന്ദർശിച്ചതി​ന്‍റെ 95ാം വാർഷികാഘോഷം ഉദ്​ഘാടനം ചെയ്യാനെത്തിയ തുഷാർ ഗാന്ധിയാണ്​ ചരിത്രം ഓർമിപ്പിച്ചത്​. 1927 ഒക്​ടോബർ 11നാണ്​ ഗാന്ധിജിയുടെ മഹാരാജാസ്​ സന്ദർശനം. ആലപ്പുഴയിൽനിന്ന്​ ബോട്ട്​മാർഗം എറണാകുളത്തെത്തിയ ഗാന്ധി ​കൊച്ചി രാജാവിനെയും ദിവാനെയും കണ്ടശേഷമാണ്​ കോളജിൽ വന്നത്​. സ്വാതന്ത്ര്യ സമരത്തിൽ വിദ്യാർഥികൾ അണിചേരേണ്ടതിന്‍റെ ആവശ്യകതയെക്കുറിച്ചായിരുന്നു ഗാന്ധിജി അന്ന്​ പ്രസംഗിച്ചത്​. സ്വദേശി പ്രസ്ഥാനത്തെക്കുറിച്ചും ഖാദിയുടെ മഹത്ത്വത്തെക്കുറിച്ചും ഗാന്ധിജി നടത്തിയ പ്രസംഗം വലിയ ആരവത്തോടെയാണ്​ മഹാരാജാസ്​ അന്ന്​ സ്വീകരിച്ചത്​.