എൻ.ഡി.ആർ.എഫ് സേന ജില്ലയിലെത്തി

കൊച്ചി: മഴക്കെടുതി മുന്നൊരുക്കത്തിന്‍റെ ഭാഗമായി ദേശീയ ദുരന്ത നിവാരണ സേനാംഗങ്ങൾ (എൻ.ഡി.ആർ.എഫ്) ജില്ലയിലെത്തി. നാലാം ബറ്റാലിയൻ കമാൻഡർ വി. രാം ബാബുവിന്റെ നേതൃത്വത്തിൽ 25 അംഗ സംഘത്തെയാണ് ജില്ലയിലേക്ക് നിയോഗിച്ചത്. കലക്ടറേറ്റിലെത്തിയ ഇവർ കലക്ടർ ഡോ. രേണു രാജുമായി കൂടിക്കാഴ്ച നടത്തി. കാക്കനാട് യൂത്ത് ഹോസ്റ്റലിൽ ക്യാമ്പ് ചെയ്യുന്ന സംഘത്തെ അവശ്യ ഘട്ടങ്ങളിൽ ജില്ല ഭരണകൂടത്തിന്റെ നിർദേശാനുസരണം വിവിധ സ്ഥലങ്ങളിൽ വിനിയോഗിക്കും.