പ്രതിഷേധ റാലിയും സമരപ്രഖ്യാപനവും

പള്ളിക്കര: സംയുക്ത ട്രേഡ് യൂനിയൻ സമിതിയുടെ നേതൃത്വത്തിൽ ദേശീയ പണിമുടക്കിൽ പങ്കെടുത്ത തൊഴിലാളികളുടെ എട്ടുദിവസത്തെ വേതനം തടഞ്ഞ നടപടിയിൽ പ്രതിഷേധിച്ച് ബുധനാഴ്ച വൈകീട്ട് റിഫൈനറി ഗേറ്റിൽ പ്രതിഷേധറാലിയും സമരപ്രഖ്യാപനവും സംഘടിപ്പിക്കും. ഐ.എൻ.ടി.യു.സി സംസ്ഥാന പ്രസിഡന്‍റ്​ ആർ. ചന്ദ്രശേഖരൻ, കെ. ചന്ദ്രൻപിള്ള, പി.വി. ശ്രീനിജൻ, കെ.എൻ. ഗോപിനാഥ്, കെ.കെ. ഇബ്രാഹീംകുട്ടി, പി.ആർ. മുരളീധരൻ, ജോൺ ഫെർണാണ്ടസ്, കെ.എൻ. ഗോപി എന്നിവർ പങ്കെടുക്കും.