എം.എൽ.എ സന്ദർശിച്ചു

മൂവാറ്റുപുഴ: ആറ്റിൽ ജലനിരപ്പ് ഉയർന്ന് നഗരത്തിലടക്കം വെള്ളം കയറിയതോടെ മലങ്കര ഡാമിൽനിന്ന്​ തുറന്നുവിടുന്ന ജലത്തിന്റ അളവ് കുറക്കാൻ ഇടപെടൽ നടത്തി മാത്യു കുഴൽനാടൻ എം.എല്‍.എ. തുറന്നുവിടുന്ന ജലത്തിന്റ അളവ് 120 സെന്റീമീറ്ററിൽനിന്ന്​ 110ലേക്ക് എത്തിക്കാനായത്​ വൻ ദുരിതം ഒഴിവാക്കി. ഡാമിലെ ജലനിരപ്പ് കുറച്ചതിനൊപ്പം വൈദ്യുതി ഉൽപാദനം കുറച്ചതും വെള്ളപ്പൊക്കം കൂടുതല്‍ പ്രദേശങ്ങളെ ബാധിക്കാതിരിക്കാന്‍ കാരണമായി. ദുരിത പ്രദേശങ്ങൾ എം.എല്‍.എ സന്ദര്‍ശിച്ചു. ടൗണ്‍ യു.പി സ്കൂള്‍, ജെ.ബി.എസ് വാഴപ്പിള്ളി, പെരുമറ്റം ദുരിതാശ്വാസ ക്യാമ്പുകളും സന്ദർശിച്ചു.