വ്യാജ സർട്ടിഫിക്കറ്റുമായി വിദേശത്തേക്ക്​ കടക്കാൻ ശ്രമം; മൂന്നുപേർ പിടിയിൽ

നെടുമ്പാശ്ശേരി: വ്യാജ സർട്ടിഫിക്കറ്റുകളുമായി ദോഹയിലേക്ക് കടക്കാൻ ശ്രമിച്ച മൂന്ന് യുവാക്കൾ കൊച്ചി വിമാനത്താവളത്തിൽ പിടിയിലായി. കൊട്ടാരക്കര സ്വദേശി അജയ് ചന്ദ്രൻ, ഈസ്റ്റ് കല്ലട സ്വദേശി ബിബിൻ, കോട്ടയം കടപ്പുറം സ്വദേശി അഖിൽ ജോൺ എന്നിവരാണ് പിടിയിലായത്. തൊഴിൽ വിസയിൽ അയർലൻഡിലേക്ക് കടക്കാനാണ്​ മൂവരും ദോഹ വഴി പോകാനെത്തിയത്. എന്നാൽ, ഇവരുടെ സർട്ടിഫിക്കറ്റുകൾ പരിശോധിച്ചപ്പോൾ വ്യാജമാണെന്ന് കണ്ടെത്തി. കൂടുതൽ ചോദ്യം ചെയ്യലിന്​ ഇവരെ നെടുമ്പാശ്ശേരി പൊലീസിന് കൈമാറി.