ജനരോഷത്തിന് മുന്നില്‍ സര്‍ക്കാര്‍ മുട്ടുമടക്കി -മുസ്​ലിം ലീഗ്​

ആലപ്പുഴ: കലക്ടർ ശ്രീറാം വെങ്കിട്ടരാമനെ മാറ്റിയതിലൂടെ ശക്തമായ ജനരോഷത്തിന് മുന്നിൽ സർക്കാർ മുട്ടുമടക്കിയെന്ന് മുസ്‌ലിം ലീഗ് ജില്ല പ്രസിഡന്റ് എ.എം. നസീർ. ഇത് ജനകീയ പോരാട്ടത്തിന്റെ വിജയമാണ്. മുസ്‌ലിം ലീഗ് ഉൾപ്പെടെയുള്ള വിവിധ കക്ഷികളും മതസംഘടനകളും സർക്കാർ നിലപാടിനെതിരെ തെരുവിലറങ്ങി നേടിയ വിജയമാണിത്. വള്ളംകളി ഉൾപ്പെടെയുള്ള കലക്​ടർ അധ്യക്ഷനായ സമിതികളിൽനിന്ന്​ വിട്ടുനിൽക്കാനുള്ള തീരുമാനം ശരിയാണെന്ന് ഇതിലൂടെ തെളിയിക്കപ്പെട്ടു. വൈകിയാണെങ്കിലും സർക്കാർ സ്വീകരിച്ച നടപടി സ്വാഗതാർഹമാണെന്നും നസീർ പറഞ്ഞു. --