എൽ.എൽ.ബി ക്ലാസുകൾ ഇംഗ്ലീഷിൽ വേണമെന്ന്​ ഹരജി

കൊച്ചി: എൽ.എൽ.ബി ക്ലാസുകൾ ഇംഗ്ലീഷ്​ മാധ്യമത്തിൽ വേണ​മെന്നാവശ്യപ്പെട്ട്​ ഹൈകോടതിയിൽ ഹരജി. ചില അധ്യാപകർ മലയാളത്തിലാണ്​ ക്ലാസെടുക്കുന്നതെന്നും ഇത്​ ബാർ കൗൺസിൽ നിർദേശത്തിന്​ വിരുദ്ധമാണെന്നും ചൂണ്ടിക്കാട്ടിയാണ്​ എറണാകുളം പൂത്തോട്ട ശ്രീനാരായണ ലോ കോളജിലെ എട്ടാം സെമസ്റ്റർ വിദ്യാർഥി എൻ. പ്രകാശിന്‍റെ ഹരജി. ക്ലാസ്​ ഇംഗ്ലീഷിലായിരിക്കണമെന്ന്​ ബാർ കൗൺസിലും എം.ജി സർവകലാശാലയും നിർദേശിച്ചിട്ടുള്ളതാണ്​. ഇത്​ കണക്കിലെടുക്കാതെയുള്ള അധ്യാപനരീതി കോഴ്​സിന്‍റെ നിലവാരത്തകർച്ചക്ക്​ കാരണമാകുമെന്ന്​ ഹരജിയിൽ പറയുന്നു. ഇത്​ പരിഗണിച്ച ജസ്റ്റിസ്​ ദേവൻ രാമചന്ദ്രൻ കേന്ദ്ര, സംസ്ഥാന ബാർ കൗൺസിലുകൾ, ഉന്നത വിദ്യാഭ്യാസ വകുപ്പ്​, എം. ജി സർവകലാശാല, എസ്​.എൻ ലോ കോളജ്​ തുടങ്ങിയ എതിർ കക്ഷികൾക്ക്​ നോട്ടീസ്​ ഉത്തരവായി.