കനത്ത മഴ; ഗതാഗതക്കുരുക്ക്​ കാരണം ഹൈകോടതി സിറ്റിങ്​ വൈകി

കൊച്ചി: കനത്ത മഴയെ തുടർന്ന്​ കൊച്ചി നഗരത്തിലുണ്ടായ വെള്ളക്കെട്ടും രൂക്ഷമായ ഗതാഗതക്കുരുക്കും ഹൈകോടതി പ്രവർത്തനത്തെ ബാധിച്ചു. 10.15ന്​ ആരംഭിക്കാറുള്ള റെഗുലർ സിറ്റിങ്​​ 11നേ​ തുടങ്ങൂ എന്ന്​ രാവിലെയാണ്​ ഹൈകോടതി രജിസ്ട്രാർ അറിയിച്ചത്​. കോടതിയിലേക്ക്​ എത്തേണ്ട ന്യായധിപരുടേതുൾപ്പെടെയുള്ള വാഹനങ്ങൾ ഗതാഗതക്കുരുക്കിൽ കുടുങ്ങുകയായിരുന്നു. ഹൈകോടതി ജ​ങ്​ഷൻ ഉൾപ്പെടെ മിക്ക ഇടങ്ങളിലും വെള്ളക്കെട്ട്​ ഗതാഗതത്തെ ബാധിച്ചു. നഗരത്തിലെ മറ്റ്​ വഴികളിലും തോരാമഴയിൽ വെള്ളം കയറി.