ലഹരിവിരുദ്ധ റാലി സംഘടിപ്പിക്കും

കൊച്ചി: ലോക ലഹരിവിരുദ്ധ ദിനത്തോട്​ അനുബന്ധിച്ച് പുല്ലേപ്പടി ദാറുൽ ഉലൂം ഹയർ സെക്കൻഡറി സ്ക്കൂളി‍ൻെറ നേതൃത്വത്തിൽ തിങ്കളാഴ്ച ബോധവത്​കരണ റാലിയും ഫ്ലാഷ് മോബും സംഘടിപ്പിക്കും. ഉച്ചക്ക്​ രണ്ടി​ന് സ്കൂൾ അങ്കണത്തിൽനിന്ന്​ ആരംഭിക്കുന്ന റാലി വീക്ഷണം റോഡ്, എം.ജി റോഡ്, ബാനർജി റോഡ് വഴി ഹൈകോടതി ജങ്​ഷനിലുള്ള വഞ്ചി സക്വയറിൽ സമാപിക്കും. തുടർന്ന്​ നടക്കുന്ന പൊതുസമ്മേളനം ഹൈബി ഈഡൻ എം.പി ഉദ്ഘാടനം ചെയ്യും. ലഹരിക്കെതിരെ തയാറാക്കിയ ലഘുലേഖ വിദ്യാഭ്യാസ ഡെപ്യൂട്ടി ഡയറക്ടർ ഹണി ജി.അലക്സാണ്ടർ പ്രകാശനം ചെയ്യും. എക്സൈസ് ഡെപ്യൂട്ടി കമീഷണർ രാജേന്ദ്രൻ ലഹരിവിരുദ്ധ സന്ദേശം നൽകും. മാനേജർ എച്ച്.ഇ. മുഹമ്മദ് ബാബുസേട്ട്​ അധ്യക്ഷതവഹിക്കും.