ലഹരിവിരുദ്ധ ദിനം ആചരിച്ചു

കോതമംഗലം: ജ്വലിച്ചു നിൽക്കാം എരിഞ്ഞൊടുങ്ങാതെ എന്ന പ്രമേയത്തിൽ സൗത്ത് പിടവൂർ ദാറുൽ ഉലൂം സെക്കൻഡറി മദ്റസ . ലഹരിവിരുദ്ധ പ്രതിജ്ഞ, പോസ്റ്റർ രചന പ്രദർശനം, ലഹരിവിരുദ്ധ സന്ദേശം റാലി തുടങ്ങിയവ നടത്തി. സദർ മുഅല്ലിം നജീബുദ്ദീൻ വഹബി ഉദ്ഘാടനം ചെയ്തു. വൈസ് പ്രസിഡന്റ് ഷെമീർ പാലച്ചുവട്ടിൽ അധ്യക്ഷത വഹിച്ചു. മദ്​റസ ലീഡർ ഇഷാൻ മാഹിൻ പ്രതിജ്ഞ വാചകം ചൊല്ലിക്കൊടുത്തു. തർബിയത്ത് സ്കൂൾ ഉർദു വിഭാഗം മേധാവി ബഷീർ ജബലി ലഹരിവിരുദ്ധ സന്ദേശം നൽകി. ദാറുൽ ഉലൂം ജോയന്‍റ്​ സെക്രട്ടറി സിയ യൂസുഫ്, ദാറുൽ ഉലൂം അലുമ്​നി വിങ്​ -ദുആ പ്രസിഡന്റ്‌ അൻസാരി ചുള്ളിക്കാട്ട്, മുഅല്ലിം മുഹമ്മദ്‌ മൗലവി പൂക്കുന്നേൽ തുടങ്ങിയവർ സംസാരിച്ചു. ദാറുൽ ഉലൂം ജോ. സെക്രട്ടറി റിസ്‌വാൻ അജിംസ് ലഹരിവിരുദ്ധ പോസ്റ്റർ രചനയിൽ സബ് ജൂനിയർ-ജൂനിയർ-സീനിയർ വിഭാഗത്തിൽ ഒന്നാം സ്ഥാനം നേടിയ മുബശ്ശിർ, അൻസാർ, മിൻഹ, ഷാമോൻ, ആലിയ, ഷാനവാസ്‌ എന്നീ വിദ്യാർഥികൾക്ക്​ സമ്മാനം വിതരണം ചെയ്തു. ഡെപ്യൂട്ടി ലീഡർ ഫർഹാൻ ദിലീപ് നന്ദിയും പറഞ്ഞു. ലഹരിവിരുദ്ധ റാലിക്ക് മുർശിദുത്വലബാ സാഹിത്യ സമാജം പ്രസിഡന്റ്‌ യാസീൻ അബൂബക്കർ, സെക്രട്ടറി അമീർ സുഹൈൽ, ട്രഷറർ അമീർ ഷാജഹാൻ എന്നിവർ നേതൃത്വം നൽകി. EM KMGM 7 Drug സൗത്ത് പിടവൂർ ദാറുൽ ഉലൂം സെക്കൻഡറി മദ്റസ സംഘടിപ്പിച്ച ലഹരിവിരുദ്ധ റാലി