ബസിടിച്ച്​ ബൈക്ക് ​യാത്രികൻ മരിച്ചു

മുണ്ടക്കയം ഈസ്റ്റ്: കൊട്ടാരക്കര-ദിണ്ഡിഗല്‍ ദേശീയപാതയില്‍ മരുതുംമൂട് താഴ്ഭാഗത്ത്​ ബസിടിച്ച്​ ബൈക്ക്​ യാത്രികനായ പെരുവന്താനം ചുഴുപ്പ് ചിലമ്പിക്കുന്നേല്‍ പരേതനായ സുരേന്ദ്രൻ-ഉദയമ്മ ദമ്പതികളുടെ മകന്‍ ആക്ഷന്‍ (24) മരിച്ചു. ശനിയാഴ്ച വൈകീട്ട്​ 6.10ഓടെയാണ് അപകടം. ഹൈറേഞ്ചില്‍നിന്ന്​ വന്ന സ്വകാര്യബസും​ മുണ്ടക്കയം ഭാഗത്തുനിന്ന്​ വന്ന ആക്ഷൻ സഞ്ചരിച്ച ബൈക്കുമാണ്​ കൂട്ടിയിടിച്ചത്​. ബസിന്റെ മുന്‍ഭാഗത്തേക്ക് ബൈക്ക്​ ഇടിച്ചുകയറി സംഭവസ്ഥലത്തുവെച്ചുതന്നെ യുവാവ് മരണപ്പെട്ടു. മൃതദേഹം എം.എം.ടി ആശുപത്രി മോര്‍ച്ചറിയില്‍. പെരുവന്താനം പൊലീസ് നടപടികള്‍ സ്വീകരിച്ചു. ആക്ഷന്റെ പിതാവ് സുരേന്ദ്രൻ മൂന്നു വര്‍ഷം മുമ്പ്​ വാഹനാപകടത്തിലാണ് മരണപ്പെട്ടത്. സഹോദരൻ: ആഷിക് (ദുബൈ). ------ KTG w BL accident death action ( 24 )