മകാസ സാഹിത്യ പുരസ്കാരങ്ങൾ പ്രഖ്യാപിച്ചു

കൊച്ചി: സ്വതന്ത്ര്യ കലാസാഹിത്യ പ്രവർത്തകരുടെ സംസ്ഥാനതല സംഘടനയായ മലയാള കാവ്യസാഹിതിയുടെ ആജീവാനന്ത അംഗങ്ങൾക്കായി ഏർപ്പെടുത്തിയ സാഹിത്യ പുരസ്കാരങ്ങൾ പ്രഖ്യാപിച്ചു. 2019ജനുവരി മുതൽ 2021 ഡിസംബർ വരെ പ്രസിദ്ധീകരിച്ച കഥ, കവിത, ബാലസാഹിത്യം (കഥ, കവിത) എന്നീ വിഭാഗങ്ങളിൽനിന്ന്​ ഏറ്റവും മികച്ച നാല്​ സമാഹാരങ്ങൾക്കാണ്​ പുരസ്കാരം നൽകുന്നത്​. നാലപ്പാടം പത്മനാഭൻ, സിപ്പി പള്ളിപ്പുറം, ഡോ. അംബിക എ.നായർ എന്നിവരടങ്ങിയ സമിതിയാണ്​ ജേതാക്കളെ തീരുമാനിച്ചത്​. കഥാസമാഹാരം-ശ്രീദേവി സുനിൽ, (അലങ്കാരങ്ങൾപ്പുറം), കവിത സമാഹാരം-കെ.കെ. ഗണപതി നമ്പൂതിരിപ്പാട്​ (കവനകലാ സഞ്ചിക, മരണാനന്തരം), ബാലസാഹിത്യം -കഥ സുധാചന്ദ്രൻ (സ്​നേഹകുപ്പായം), കവിത- ഹരീഷ്​ ആർ.നമ്പൂതിരിപ്പാട് (അമ്മ ചിറക്​​) എന്നിവർക്കാണ്​ പുരസ്കാരങ്ങൾ ലഭിച്ചത്​. പുരസ്കാരങ്ങൾ സെപ്റ്റംബർ മൂന്ന്​,നാല്​ തീയതികളിൽ ആലുവ വൈ.എം.സി.എയിൽ ​നടക്കുന്ന സംസ്ഥാന വാർഷിക യോഗത്തിൽ സമ്മാനിക്കുമെന്ന്​ സംസ്ഥാന ജനറൽ സെക്രട്ടറി സുഷമ ശിവരാമൻ അറിയിച്ചു.