സാമൂഹികവിരുദ്ധർ അഴിഞ്ഞാടുന്നു

കാലടി: തോട്ടകത്ത് വടിവാൾ സംഘങ്ങൾ അഴിഞ്ഞാടുന്നു. കഴിഞ്ഞ ദിവസം മയക്കുമരുന്ന് ഉപയോഗിക്കുന്നവർക്കെതിരെ പ്രതികരിച്ച യുവാവിന്‍റെ വീട്ടിൽ ഒരുസംഘം സാമൂഹികവിരുദ്ധർ വടിവാളുകളുമായി ചെന്ന് മാതാവ് ഉൾപ്പെടെയുള്ളവരെ ഭീഷണിപ്പെടുത്തി. പൊലീസിൽ പരാതി നൽകിയെങ്കിലും നടപടി എടുത്തില്ലെന്ന് ആരോപണമുണ്ട്. നേരം ഇരുട്ടിയാൽ ഈ ഭാഗത്തെ പാടശേഖരങ്ങളിലും ആളൊഴിഞ്ഞ സ്ഥലങ്ങളിലും കഞ്ചാവ് മാഫിയ തമ്പടിക്കുന്നുണ്ട്. രാത്രി പട്രോളിങ് നടത്താൻ പൊലീസ്-എക്സൈസ് ഉദ്യോഗസ്ഥർ തയാറാവണമെന്ന് പ്രദേശവാസികൾ ആവശ്യപ്പെട്ടു.