സാമൂഹിക പ്രതിബദ്ധതയുള്ള വിദ്യാഭ്യാസ നയം വേണം - ഡോ.എം.സി. ദിലീപ്കുമാർ

കൊച്ചി: ലോകവിവരങ്ങൾ ഒറ്റ ക്ലിക്കിൽ ലഭ്യമാകുന്ന ആധുനിക കാലഘട്ടത്തിൽ അതിന്‍റെ നന്മകളെ കണ്ടെത്താനും തിന്മകളെ മാറ്റിനിർത്താനുമുള്ള മാനസിക വളർച്ചയാണ് സമൂഹത്തിന് ആവശ്യമെന്ന്​ കാലടി സംസ്​കൃത സർവകലാശാല മുൻ വൈസ് ചാൻസലർ ഡോ. എം.സി. ദിലീപ് കുമാർ പറഞ്ഞു. പുല്ലേപ്പടി ദാറുൽ ഉലൂം ഹയർ സെക്കൻഡറി സ്കൂൾ വായനമാസാചരണ ഭാഗമായി സംഘടിപ്പിച്ച വിദ്യാഭ്യാസ സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. മാനേജർ എച്ച്.ഇ. മുഹമ്മദ് ബാബു സേട്ട്​ അധ്യക്ഷത വഹിച്ചു. മഹാരാജാസ് കോളജ് മലയാളം വിഭാഗം മേധാവി ഡോ.സുമി ജോയ് മുഖ്യപ്രഭാഷണം നടത്തി. -Bപ്രസ് ക്ലബ് സെക്രട്ടറി എം.സൂഫി മുഹമ്മദ്-B, ജെ.ജെ. കുറ്റിക്കാട്, എച്ച്.എം എസ്. ലാജിദ്, ജബ്ബാർ പുന്നക്കാടൻ, കെ.കെ. ബാനു, ടി.യു. സാദത്ത്, എൻ.എ. അനസ്, കെ.എ. അലി എന്നിവർ സംസാരിച്ചു. പരിപാടികൾ ഇന്ന് പ്രഫ. എം.കെ. സാനുവിന്‍റെ വസതി: മുൻമന്ത്രി പ്രഫ.സി. രവീന്ദ്രനാഥിന്‍റെ പുസ്തക പ്രകാശനം - വൈകു. 4.00