ഫൈബർ വള്ളങ്ങൾ തടഞ്ഞു

മട്ടാഞ്ചേരി: കലക്ടറുടെ നിരോധന ഉത്തരവ് മറികടന്ന് ഇതര സംസ്ഥാന ഫൈബർ വള്ളങ്ങൾ ഫോർട്ട്കൊച്ചിയിലെത്തുന്നത് മറൈൻ എൻഫോഴ്സ്​മെന്റ് തടഞ്ഞു. ഇതിനെ തുടർന്ന് അധികൃതരും ഫൈബർ വള്ളക്കാരുമായി തർക്കവും ഉടലെടുത്തതോടെ ചൊവ്വാഴ്ച എത്തിച്ച മത്സ്യം ഇറക്കാൻ അനുവദിച്ചു. നാൽപത് വർഷമായി മത്സ്യബന്ധനം നടത്തി വരികയാണെന്നാണ് ഫൈബർ വള്ളക്കാരുടെ പക്ഷം. ഇതിനെ തുടർന്ന് ജില്ല കലക്ടറുമായി ചർച്ച നടത്തി തീരുമാനമാകുന്നത് വരെ അന്തർസംസ്ഥാന ഫൈബർ വള്ളങ്ങൾ വരരുതെന്ന ധാരണയായതായാണ് വിവരം.