പിറവം താലൂക്ക് ആശുപത്രി സായാഹ്ന സേവനത്തിന് കൂടുതൽ ഡോക്ടർ വേണം

പിറവം: ഏഴോളം ഡോക്ടർമാരുള്ള പിറവം താലൂക്ക് ആശുപത്രിയിൽ ഉച്ചകഴിഞ്ഞ്​ ഡോക്ടർമാരുടെ സേവനമില്ലാത്തത്​ രോഗികളെ വലക്കുന്നു. 24 മണിക്കൂറും പ്രവർത്തനസജ്ജമെന്ന് അവകാശപ്പെടുമ്പോഴും ഉച്ചക്കുശേഷമെത്തുന്ന നൂറുകണക്കിന് രോഗികളെ നോക്കാൻ ഒരുഡോക്ടർ മാത്രമാണുള്ളത്. സ്ത്രീകളും കുട്ടികളും പുരുഷന്മാരും ഉൾപ്പെടെ ധാരാളം രോഗികൾ എത്തുന്ന സാഹചര്യത്തിൽ കൂടുതൽ ഡോക്ടർമാരെ നിയോഗിക്കണമെന്ന്​ നാട്ടുകാർ ആവശ്യപ്പെട്ടു. അത്യാഹിതത്തിൽ എത്തുന്ന രോഗികളെ പരിശോധിക്കാൻ ഡോക്ടർ പോകുമ്പോൾ ക്യൂവിൽ നിൽക്കുന്നവർ മണിക്കൂറുകൾ കാത്തുനിൽക്കേണ്ട അവസ്ഥയാണ്​.