എ പ്ലസ്​ തിളക്കത്തിൽ ഇരട്ടകൾ

കിഴക്കമ്പലം: പ്ലസ് ​ടു പരീക്ഷയിൽ എല്ലാ വിഷയത്തിനും എ പ്ലസ് നേടി പട്ടിമറ്റം മാർ കൂറിലോസ് ഹയർ സെക്കൻഡറി സകൂളിലെ ഇരട്ടകൾ. ആൻസാറ ആൽബി, ആൻ മരിയ ആൽബി എന്നിവർക്ക് ബയോമാക്സിലും അനക, അനുഗ്രഹ എന്നിവർക്ക് കോമേഴ്സിലുമാണ് എ പ്ലസ് ലഭിച്ചത്​. ആൻസാറയും ആൻ മരിയയും കരിമുകൾ എൽബി ഐസക് -സുമിത ദമ്പതികളുടെ മക്കളാണ്. അനകയും അനുഗ്രഹയും പുക്കാട്ടുപടി അമ്പുനാട് തെക്കേ മാന്തുരുത്തിയിൽ അനിരുദ്ധൻ-ലതി ദമ്പതികളുടെ മക്കളാണ്.