ഫാക്ട് അമോണിയ പ്ലാന്‍റിൽ ഹൈഡ്രജൻ പൈപ്പ്​ലൈനിൽ പൊട്ടിത്തെറി

കളമശ്ശേരി: ഫാക്ടിന്‍റെ അമോണിയ പ്ലാന്‍റിൽ ഹൈഡ്രജൻ പൈപ്പ് ലൈനിൽ പൊട്ടിത്തെറി. ലൈനിൽ തീപിടിച്ചെങ്കിലും ഫാക്ടിലെ അഗ്​നിരക്ഷാസേന ഉടൻ അണച്ചതിനാൽ വൻ അപകടം ഒഴിവായി. പ്ലാന്‍റിന്‍റെ പ്രവർത്തനം നിർത്തിവെച്ചു. അമോണിയ സ്റ്റോക്കുള്ളതിനാൽ വളം ഉൽപാദനത്തെ ബാധിക്കില്ലായെന്നാണ് അധികൃതർ പറയുന്നത്. ഒരാഴ്ചക്കകം പ്ലാന്‍റ്​ പ്രവർത്തനസജ്ജമാകുമെന്നും അധികൃതർ പറയുന്നു. രാവിലെ ഒമ്പതോടെയാണ് സംഭവം. കോടികളുടെ നഷ്ടമുണ്ടായതായാണ് സൂചന. എന്നാൽ, വലിയ നഷ്ടം ഉണ്ടായില്ലെന്നാണ്​ ഔദ്യോഗിക വിശദീകരണം.