കളിമൺ ശിൽപ പ്രദർശനം ഇന്ന് മുതൽ

മട്ടാഞ്ചേരി: കൊച്ചിൻ പോർട്ട് അതോറിറ്റിയുടെ ആസാദി കാ അമൃത് മഹോത്സവത്തിന്‍റെ ഭാഗമായി സ്വാതന്ത്ര്യ സമര സേനാനികളുടെ കളിമൺ ശിൽപങ്ങളുടെയും കാരിക്കേചറുകളുടെയും പ്രദർശനം സംഘടിപ്പിക്കുന്നു. വില്ലിങ്​ടൺ ഐലൻഡിലെ സാഗരിക ക്രൂസ് ടെർമിനലിന്​ സമീപം ഗവ.എൽ.പി സ്കൂളിലാണ് പ്രദർശനം. അറിയപ്പെടുന്ന ശിൽപി തിരുവനന്തപുരം സ്വദേശിയായ ദീപക് മൗത്താട്ടിൽ രൂപകൽപന ചെയ്ത ശിൽപങ്ങളും പ്രമുഖ കാരിക്കേച്ചറിസ്റ്റ് ഭിന്നശേഷിക്കാരനായ തൃപ്പൂണിത്തുറ സ്വദേശി അജ്ജൻ സതീഷ് വരച്ച 75 സ്വാതന്ത്ര്യ സമരസേനാനികളുടെ കാരിക്കേച്ചറുകളുമാണ് പ്രദർശനത്തിനുള്ളത്. ചൊവ്വാഴ്ച രാവിലെ 10ന് തുറമുഖ ട്രസ്റ്റ് ചെയർപേഴ്സൻ ഡോ. എം.ബീന പ്രദർശനം ഉദ്ഘാടനം ചെയ്യും. രാവിലെ 9 മുതൽ വൈകീട്ട് 5 വരെ പ്രദർശനം കാണാം. 23ന് സമാപിക്കും.