പ്രതിഷ്ഠാ മഹോത്സവത്തിൽ ചാരിറ്റി പ്രവർത്തനവും

നെടുമ്പാശ്ശേരി: പ്രതിഷ്ഠാദിനത്തോടനുബന്ധിച്ച് ചാരിറ്റി പ്രവർത്തനത്തിനും രൂപം നൽകി എളവൂർ പിച്ചേലിക്കാവ് ഭഗവതി ക്ഷേത്രം. ജൂലൈ നാലുമുതൽ ഒമ്പതുവരെയാണ് ദാരുബിംബപ്രതിഷ്ഠാ മഹോത്സവം. ഇതോടനുബന്ധിച്ച് എളവൂരിലെ നിർധന കുടുംബത്തിന് വീടുവെച്ച് നൽകും. കൂടാതെ, പാവപ്പെട്ട പെൺകുട്ടിയുടെ വിവാഹവും നടത്തും. ജൂൺ 30 മുതൽ ദേവീ ഭാഗവത നവാഹം - ദർശന സത്രവും നടത്തും. ശ്രീകണ്​ഠേശ്വരം സോമവാര്യർ കാർമികത്വം വഹിക്കുമെന്ന്​ ക്ഷേത്രസംഘം ചെയർമാൻ രാധാകൃഷ്ണൻ മംഗലപ്പിള്ളി, ചീഫ് കോഓഡിനേറ്റർ ആർ.വി. രഘുനാഥ് എന്നിവർ വാർത്ത സമ്മേളനത്തിൽ അറിയിച്ചു. വി.ജയകൃഷ്ണൻ, എ.ആർ. രഞ്ജിത്ത്, എ.എൻ. രാജേഷ് എന്നിവരും വാർത്തസമ്മേളനത്തിൽ സംബന്ധിച്ചു.