കേരളം ഗ്രന്ഥശാലകളെ ജനകീയമാക്കിയ നാട് -സ്പീക്കര്‍ എം.ബി. രാജേഷ്

പെരുമ്പാവൂര്‍: ഗ്രന്ഥശാലകളെ ജനകീയമാക്കിയ നാടാണ് കേരളമെന്നും അറിവും ആശയങ്ങളും പ്രചരിപ്പിച്ചതില്‍ മുന്‍തലമുറ നിര്‍ണായക പങ്ക് വഹിച്ചിട്ടുണ്ടെന്നും നിയമസഭ സ്പീക്കര്‍ എം.ബി. രാജേഷ് പറഞ്ഞു. നഗരസഭയുടെയും മുനിസിപ്പല്‍ ലൈബ്രറിയുടെയും നേതൃത്വത്തില്‍ സംഘടിപ്പിക്കുന്ന വായന വാരാഘോഷം ഉദ്ഘാടനം ചെയ്യുകയായിരുന്നു അദ്ദേഹം. എല്‍ദോസ് കുന്നപ്പിള്ളി എം.എല്‍.എ അധ്യക്ഷത വഹിച്ചു. മുനിസിപ്പല്‍ ചെയര്‍മാന്‍ ടി.എം. സക്കീര്‍ ഹുസൈന്‍ സ്വാഗതം പറഞ്ഞു. പായിപ്ര രാധാകൃഷ്ണന്‍ പി.എന്‍. പണിക്കര്‍ അനുസ്മരണം നടത്തി. സാജു പോള്‍, എന്‍.സി. മോഹനന്‍, സി.കെ. രാമകൃഷ്ണന്‍, പി.എസ്. അഭിലാഷ്, കെ.സി. അരുണ്‍കുമാര്‍, ഷീബ ബേബി, സതി ജയകൃഷ്ണന്‍, ബീവി അബൂബക്കര്‍, ഐഷ ടീച്ചര്‍ എന്നിവര്‍ സംസാരിച്ചു.