ഗായകൻ ജൂനിയർ മെഹ്​ബൂബിന് പുരസ്കാരം നൽകി ആദരിച്ചു

മട്ടാഞ്ചേരി: സംഗീതരംഗത്ത് അരനൂറ്റാണ്ടായി നിറഞ്ഞു നിൽക്കുന്ന ജൂനിയർ മെഹ്ബൂബിനെ മുതിർന്ന കലാകാരന്മാരുടെ സംഘടനയായ സായാഹ്നക്കൂട്ടം പുരസ്കാരം നൽകി ആദരിച്ചു. സബ് കലക്ടർ പി. വിഷ്ണുരാജ് അനുമോദന യോഗം ഉദ്ഘാടനം ചെയ്തു. റിയാസ് അഹമ്മദ് അധ്യക്ഷത വഹിച്ചു. ശങ്കരൻകുട്ടി മാരാർ 25,000 രൂപയുടെ അവാർഡും പ്രശസ്തിപത്രവും മെഹ്ബൂബിന് സമർപ്പിച്ചു. ചലച്ചിത്ര പിന്നണി ഗായിക ജെൻസി ആന്‍റണി സംസാരിച്ചു. സായാഹ്നക്കൂട്ടം പ്രസിഡന്‍റ്​ പി.ഇ. ഹമീദ് സ്വാഗതവും എൻ.കെ.എം ഷെരീഫ് നന്ദിയും പറഞ്ഞു. ചിത്രം: ജൂനിയർ മെഹ്​ബൂബിന് ശങ്കരൻ കുട്ടി മാരാർ അവാർഡ് സമർപ്പിക്കുന്നു