ഹോപ് പദ്ധതി; വിദ്യാർഥികൾക്ക് തിളക്കമാർന്ന വിജയം

ആലുവ: പൊലീസ് റൂറൽ ജില്ലയിലെ ഹോപ്​ പദ്ധതിയുടെ ഭാഗമായി എസ്.എസ്.എൽ.സി പരീക്ഷ എഴുതിയ മൂന്ന് വിദ്യാർഥികൾക്കും തിളക്കമാർന്ന വിജയം. ജീവിത സാഹചര്യങ്ങൾകൊണ്ട് പഠനം പൂർത്തിയാക്കാൻ കഴിയാത്തവർക്ക് പഠനാവസരം സൃഷ്ടിച്ച് പരീക്ഷ എഴുതിക്കുന്ന പദ്ധതിയാണ് ഹോപ്. ജനമൈത്രി പൊലീസ് സംവിധാനം ഉപയോഗിച്ചാണ് വിദ്യാർഥികളെ കണ്ടെത്തുന്നതും അവർക്ക് പഠിക്കാനുള്ള സൗകര്യം ഒരുക്കുന്നതും. വിജയിച്ചവരെ ജില്ല പൊലീസ് മേധാവി കെ. കാർത്തിക് അഭിനന്ദിച്ചു.