നഗരത്തിൽ വീട് കുത്തിത്തുറന്ന് സ്വർണം കവർന്നു

കൊച്ചി: പനമ്പിള്ളി നഗറിൽ വീട് കുത്തിത്തുറന്ന് ഒമ്പത് പവ‍ൻെറ സ്വർണാഭരണങ്ങൾ കവർന്നു. കഴിഞ്ഞ ദിവസം പുലർച്ചയാണ് സംഭവം. പനമ്പിള്ളിനഗറിലെ പാർക്കിന് സമീപം താമസിക്കുന്ന റിട്ട. എയർഫോഴ്സ് ഉദ്യോഗസ്ഥ‍ൻെറ വീട്ടിലാണ് കവ‌ർച്ച നടന്നത്. വീട്ടുകാർ രണ്ടാഴ്ചയായി ചെന്നൈയിലുള്ള മകനൊപ്പമായിരുന്നു. ചെടി നനയ്ക്കാൻ എത്തിയ വീട്ടുജോലിക്കാരി വാതിൽ പൊളിഞ്ഞുകിടക്കുന്നതുകണ്ട് വിവരം വീട്ടുടമയെ അറിയിക്കുകയും അവർ സൗത്ത്​ പൊലീസിൽ പരാതിപ്പെടുകയുമായിരുന്നു.