യുവതി വീട്ടില്‍ തൂങ്ങി മരിച്ച നിലയില്‍

മൂന്നാര്‍: യുവതിയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. മൂന്നാര്‍ പെരിയവര എസ്റ്റേറ്റിലെ പ്രവീണിന്‍റെ ഭാര്യ ശ്രീജയാണ്​ (20) മരിച്ചത്. രണ്ടുവര്‍ഷം മുമ്പാണ് ഇവർ ഇതേ എസ്റ്റേറ്റിലുള്ള പ്രവീണ്‍കുമാറിനെ പ്രണയിച്ച് വിവാഹം കഴിച്ചത്. ഭാര്യയെ സംശയിച്ചിരുന്ന പ്രവീണിന്‍റെ മനോഭാവം മൂലം യുവതി മാനസിക വിഷമത്തിലായിരുന്നെന്ന്​ ബന്ധുക്കള്‍ പറഞ്ഞു. മാനസിക പീഡനമോ സ്ത്രീധന പ്രശ്‌നമോ ഇതിന്​ പിന്നിലുണ്ടോ എന്ന് അന്വേഷിച്ചുവരുന്നതായും പൊലീസ്​ അറിയിച്ചു.