എസ്​.എസ്​.എൽ.സി ഫലം വന്നതിന്​ പിന്നാലെ കുട്ടികളെ കാണാതായി

കായംകുളം: എസ്.എസ്.എൽ.സി പരീക്ഷഫലം വന്നതിന് പിന്നാലെ രണ്ട് കുട്ടികളെ കാണാതായി. കായംകുളം ബോയ്സ് സ്കൂളിലെ ലുഖ്മാൻ, പി.കെ.കെ.എസ്.എം സ്കൂളിലെ മുഹമ്മദ് അക്സം എന്നിവരെയാണ് കാണാതായത്. ബുധനാഴ്ച വൈകീട്ട് നാലിന് ശേഷമാണ് സംഭവം. എസ്.എസ്.എൽ.സി ഫലം നോക്കാനായി വീട്ടിൽ നിന്ന്​ ഇറങ്ങിയതാണ്. എ പ്ലസ്​ കുറഞ്ഞതിലുള്ള വിഷമമാണ് കാരണമെന്ന് സംശയിക്കുന്നു. ഇവരുടെ സൈക്കിൾ റെയിൽവേ സ്റ്റേഷൻ പരിസരത്തുനിന്ന്​ കണ്ടെത്തി. പൊലീസ് അന്വേഷണം ആരംഭിച്ചു.