ലൈഫ് മിഷൻ കരട് പട്ടിക പ്രസിദ്ധീകരിച്ചു വെള്ളിയാഴ്ചവരെ അപ്പീൽ സമർപ്പിക്കാം

കാക്കനാട്: തൃക്കാക്കര നഗരസഭ പരിധിയിൽ ലൈഫ് മിഷൻ -2020 പദ്ധതി പ്രകാരം അപേക്ഷകൾ സമർപ്പിച്ചവരിൽനിന്ന്​ അർഹരായവരുടെയും അനർഹരുടെയും കരട് പട്ടിക പ്രസിദ്ധീകരിച്ചു. നഗരസഭ ഓഫിസ്, വെബ്സൈറ്റ്, കൗൺസിലർമാർ, വാർഡുതല ഉദ്യോഗസ്ഥർ എന്നിവിടങ്ങളിൽനിന്ന്​ പട്ടിക ലഭിക്കും. അനർഹരായി ലിസ്റ്റിൽ ഉൾപ്പെട്ടവർക്ക് വെള്ളിയാഴ്ചവരെ നേരിട്ടോ ഓൺലൈൻ വഴിയോ നഗരസഭ സെക്രട്ടറിക്ക് അപ്പീൽ സമർപ്പിക്കാം. ലിസ്റ്റിൽ ഉൾപ്പെടാൻ പുതിയ ഒരു അപേക്ഷയും സ്വീകരിക്കില്ലെന്ന് അധികൃതർ വ്യക്തമാക്കി.