റദ്ദാക്കിയ ടിക്കറ്റുമായി ടെർമിനലിൽ കയറിയയാൾ പിടിയിൽ

നെടുമ്പാശ്ശേരി: മകനെ യാത്രയാക്കാൻ റദ്ദാക്കിയ ടിക്കറ്റുമായി വിമാനത്താവള ടെർമിനലിൽ കയറിയയാൾ പിടിയിൽ. ആലപ്പുഴ സ്വദേശി വിനോദ് ഫിലിപ്പാണ് പിടിയിലായത്. എയർ ഇന്ത്യയുടെ ഷാർജ വിമാനത്തിൽ പുലർച്ച പുറപ്പെടുന്നതിന് വിനോദും മകനും ടിക്കറ്റ് ബുക്ക് ചെയ്തിരുന്നു. എന്നാൽ, പിതാവ് ടിക്കറ്റ് റദ്ദാക്കിയശേഷം ഈ ടിക്കറ്റുമായി വിമാനത്താവള ടെർമിനലിനകത്ത് മകനെ യാത്രയാക്കാനായി കയറുകയായിരുന്നു. പൊലീസ് കേസെടുത്തു.