രാഷ്ട്രപതി തെരഞ്ഞെടുപ്പിൽ ഇടതു- മതനിരപേക്ഷ ശക്തികൾ ഒന്നിക്കണം -കെ.പി. രാജേന്ദ്രൻ

കോതമംഗലം: വർഗീയ -ഫാഷിസ്റ്റ് നയങ്ങൾ അക്രമ സ്വഭാവത്തോടെ നടപ്പാക്കുന്ന മോദി സർക്കാറിന് തിരിച്ചടി നൽകാൻ അടുത്ത ഇന്ത്യൻ പ്രസിഡന്റ് തെരഞ്ഞെടുപ്പിൽ ഇടതുപക്ഷ - മതനിരപേക്ഷ ശക്തികൾ ഒന്നിക്കണമെന്ന് സി.പി.ഐ സംസ്ഥാന എക്സിക്യൂട്ടിവ് കമ്മിറ്റി അംഗം കെ.പി. രാജേന്ദ്രൻ. സി.പി.ഐ കോതമംഗലം മണ്ഡലം സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന കൗൺസിൽ അംഗങ്ങളായ ബാബു പോൾ, കമല സദാനന്ദൻ, ജില്ല അസി. സെക്രട്ടറിമാരായ ഇ.കെ. ശിവൻ, കെ.എൻ. സുഗതൻ, ജില്ല എക്സിക്യൂട്ടിവ് കമ്മിറ്റി അംഗങ്ങളായ എൽദോ എബ്രഹാം, സി.വി. ശശി, എ.ഐ.വൈ.എഫ് സംസ്ഥാന പ്രസിഡന്റ് എൻ. അരുൺ, ജില്ല കൗൺസിൽ അംഗങ്ങളായ എം.കെ. രാമചന്ദ്രൻ, ശാന്തമ്മ പയസ്, മണ്ഡലം സെക്രട്ടറി പി.ടി. ബെന്നി, മണ്ഡലം സെക്രട്ടേറിയറ്റംഗങ്ങളായ ടി.സി. ജോയി, പി.എം. ശിവൻ എന്നിവർ സംസാരിച്ചു. മണ്ഡലം സെക്രട്ടറി പി.ടി. ബെന്നി റിപ്പോർട്ട് അവതരിപ്പിച്ചു. EM KMGM 5 CPI സി.പി.ഐ കോതമംഗലം മണ്ഡലം സമ്മേളനം സംസ്ഥാന എക്സിക്യൂട്ടിവ് കമ്മിറ്റി അംഗം കെ.പി. രാജേന്ദ്രൻ ഉദ്ഘാടനം ചെയ്യുന്നു