പ്രവാചക നിന്ദക്കെതിരെ പ്രതിഷേധ സംഗമങ്ങൾ നടത്തും -മഹല്ല് ജമാഅത്ത് കൗൺസിൽ

കൊച്ചി: പ്രവാചകനിന്ദക്കെതിരെ ജില്ലതല പ്രതിഷേധ സംഗമങ്ങൾ നടത്താൻ​ മഹല്ല് ജമാഅത്ത് കൗൺസിൽ സംസ്ഥാന സെക്രട്ടേറിയറ്റ് യോഗം തീരുമാനിച്ചു. വെറുപ്പിന്‍റെ വിത്തുകൾ പാകാൻ ശ്രമിച്ച ബി.ജെ.പി വക്താക്കൾക്കെതിരെ ശക്തമായ നിയമനടപടി സ്വീകരിക്കാത്ത കേന്ദ്രസർക്കാർ നടപടി ദുരൂഹവും പ്രതിഷേധാർഹവുമാണ്​. പ്രസിഡന്‍റ്​ ഡോ. ഉബൈസ് സൈനുല്ലാബ്​ദീൻ അധ്യക്ഷത വഹിച്ചു. ജനറൽ സെക്രട്ടറി പി.കെ.എ. കരീം വിഷയം അവതരിപ്പിച്ചു. സംസ്ഥാന ഭാരവാഹികളായ അഡ്വ. പി.കെ. മുഹമ്മദ് പുഴക്കര, പി.അബ്ദുൽ ഖാദർ, സാദത്ത് ഹമീദ്, ഹാഷിം അരിയിൽ, അൻവർ സാദത്ത്, ഷംസുദ്ദീൻകുഞ്ഞ്, ജലീൽ.എസ്, അബൂബക്കർ ഹാജി, കെ.കെ.എസ്.എം തങ്ങൾ തുടങ്ങിയവർ പങ്കെടുത്തു.