അമൃതയിൽ വിവിധ യു.ജി, പി.ജി പ്രോഗ്രാമുകൾ

കൊച്ചി: അമൃത വിശ്വവിദ്യാപീഠത്തിന് കീഴിലെ അമൃത സെന്‍റർ ഫോർ അലൈഡ് ഹെൽത്ത് സയൻസസിൽ വിവിധ യു.ജി, പി.ജി പ്രോഗ്രാമുകളിലേക്ക് പ്രവേശനം ആരംഭിച്ചു. ആരോഗ്യരംഗവുമായി ബന്ധപ്പെട്ട് 16 ബി.എസ്​സി കോഴ്സുകളും 16 എം.എസ്​സി കോഴ്സുകളും അടങ്ങുന്നതാണ് അമൃതയിലെ അലൈഡ് ഹെൽത്ത് സയൻസ് പ്രോഗ്രാമുകൾ. യു.ജി പ്രോഗ്രാമുകൾ: ബി.എസ്​സി - അനസ്തേഷ്യ ടെക്​നോളജി, കാർഡിയാക് പെർഫ്യൂഷൻ ടെക്​നോളജി, കാർഡിയോ വാസ്‌കുലർ ടെക്​നോളജി, ഡയബറ്റിസ് സയൻസസ്, ഡയാലിസിസ് തെറപ്പി, എക്കോ കാർഡിയോഗ്രഫി ടെക്​നോളജി, എമർജൻസി മെഡിക്കൽ ടെക്​നോളജി, ഇന്‍റൻസിവ് കെയർ ടെക്​നോളജി, മെഡിക്കൽ റേഡിയോളജിക് ടെക്​നോളജി, ന്യൂറോ ഇലക്ട്രോഫിസിയോളജി, ഒപ്​റ്റോമെട്രി, ഓപറേഷൻ തിയറ്റർ ടെക്​നോളജി, ഫിസിഷ്യൻ അസിസ്റ്റന്‍റ്​, റെസ്​പിറേറ്ററി തെറപ്പി, മെഡിക്കൽ ലബോറട്ടറി ടെക്​നോളജി, ബാച്ചിലർ ഇൻ ഓഡിയോളജി ആൻഡ്​ സ്പീച് ലാംഗ്വേജ് പതോളജി എന്നിവയാണ് കോഴ്സുകൾ. എല്ലാ കോഴ്സിനും നാലുവർഷം ദൈർഘ്യം. ഇതിൽ ബി.എസ്​സി മെഡിക്കൽ റേഡിയോളജിക് ടെക്​നോളജി പ്രോഗ്രാമിന് അപേക്ഷിക്കാൻ പ്ലസ് ടുവിന് ഫിസിക്സ്, കെമിസ്ട്രി, ബയോളജി, ഇംഗ്ലീഷ് വിഷയങ്ങൾക്കെല്ലാംകൂടി 60 ശതമാനം മാർക്കും കണക്കിന് മാത്രമായി 60 ശതമാനം മാർക്കും വേണം. മറ്റ്​ കോഴ്സുകൾക്ക് അപേക്ഷിക്കാൻ ഫിസിക്സ്, കെമിസ്ട്രി, ബയോളജി, ഇംഗ്ലീഷ് വിഷയങ്ങളിലെല്ലാംകൂടി 60 ശതമാനം മാർക്കോടെയുള്ള പ്ലസ് ടു വിജയമാണ് യോഗ്യത. പി.ജി പ്രോഗ്രാമുകൾ: എം.എസ്​സി - കാർഡിയോവാസ്‌കുലർ ടെക്​നോളജി, ഡയബറ്റിസ് സയൻസസ്, ഡയാലിസിസ് തെറപ്പി, എമർജൻസി മെഡിക്കൽ ടെക്​നോളജി, ന്യൂറോ ഇലക്​ട്രോഫിസിയോളജി, ഫിസിഷ്യൻ അസിസ്റ്റന്‍റ്​, റെസ്​പിറേറ്ററി തെറപ്പി, മെഡിക്കൽ ലാബോറട്ടറി ടെക്​നോളജി, ക്ലിനിക്കൽ ന്യൂട്രിഷൻ ആൻഡ് ഫുഡ് സയൻസസ്, ബയോസ്റ്റാറ്റിറ്റിക്സ്, ഡെഗ്ലൂട്ടോളജി ആൻഡ്​ സ്വാളോയിങ് ഡിസോർഡേഴ്സ്, പി.ജി.ഡി.എം.ആർ.എസ് എല്ലാം രണ്ട്​ വർഷം ദൈർഘ്യമുള്ള കോഴ്സുകളാണ്. അതത് വിഷയങ്ങളിൽ ബി.എസ്​സി ബിരുദമാണ് യോഗ്യത. ഓൺലൈനായാണ് അപേക്ഷ സമർപ്പിക്കേണ്ടത്. പ്രവേശന പരീക്ഷ, കൗൺസലിങ് എന്നിവയുടെ അടിസ്ഥാനത്തിലായിരിക്കും പ്രവേശനം. കോഴ്‌സുകളുടെ ഫീസും മറ്റ്​ വിവരങ്ങളും https://amrita.edu/ahs വെബ്‌സൈറ്റിൽ ലഭ്യമാണ്. കൂടുതൽ വിവരങ്ങൾക്ക്: 0484-2858383, 2858349.