ധനകാര്യ കമീഷൻ നിർദേശങ്ങൾ പരിഗണിക്കരുത്

കൊച്ചി: നാണ്യപ്പെരുപ്പത്തിന്റെ വർധനക്ക് ആനുപാതികമായി വസ്തുനികുതി വർഷം തോറും കൂട്ടാമെന്ന സംസ്ഥാന ധനകാര്യ കമീഷന്റെ ശിപാർശ യുക്തിസഹമല്ലെന്നും നഗരപാലിക, പഞ്ചായത്തീരാജ് നിയമങ്ങളിലെ വ്യവസ്ഥകൾക്കെതിരാണെന്നും കേരള മർച്ചന്റ്‌സ് ചേംബർ ഓഫ് കോമേഴ്‌സ്. അഞ്ചു വർഷം കൂടുമ്പോൾ അഞ്ചു​ ശതമാനം വർധനയെന്നതിനു പകരം വർഷം തോറും നികുതി കൂട്ടാനുള്ള നിർദേശം പരിഗണിക്കാനുള്ള സർക്കാറിന്റെ നീക്കം അപലപനീയമാണെന്നും സംഘടന ഭാരവാഹികളായ കെ.എം. മുഹമ്മദ് സഗീർ, സോളമൻ ചെറുവത്തൂർ എന്നിവർ പ്രസ്താവനയിൽ പറഞ്ഞു.